Coronakrise hin oder her, dä Früehling hät au d Schwiizer Hip Hop Szene erreicht und neui Releases spriesset momentan grad wie Pilz us em Bode. Da trifft es sich guet, dass Artcore Radio dier mitem „CH Rap Update Früehlig 2020“ en Überblick drüber giht, was in letschter Ziit alles gange isch.
Mier händ u.a. neui Tunes vo Mü Man, Didi, Pato, Danase, NDM, Was Ghetto? oder LIV & Geesbeatz für dich parat. Als Zückerli hät üs no eine vo de prägendste aber au umstrittenste Persönlichkeite im Schwiizer Rap es paar Frage zu sim brandneue Album und de CH Rap Szene im allgemeine beantwortet. D’Red isch vom Bligg und sim neue Album Okey Dokey II.
Das und no viel wiiteri Hits mit em Gütesiegel „Made in Switzerland“ ghörsch du da im Podcast!
Am Tag der Arbeit het dä DJ Flamin Fingaz nomal die härt Arbeit vo de Schwiizer Rapper Garde i letschter Ziit gwürdiget!
Nachem 1. Teil sind no vieli Tracks ungspielt umeglege, sodass es locker zumene 2. Teil langed. Zuesätzlich hät de DJ Flamin Fingaz mit usgwählte Songs vom Amos und sim Homie Sevsnite au no brandeus lyrischs Füür us em Wallis für eui im Agebot.